Sekretariadu estadu (SE) asúntu ensínu sekundaria jerál no ensínu vokasional ministériu edukasaun, kuarta-feira (13/09) ohin vizita eskola ensínu sekundaria jerál 1912 Manufahi, hodi haree no rona defikuldade ne’ebé eskola ne’e infrenta.
Iha sorumutu ho autóridade Munisípiu, diretúr Eduksaun no manórin na’in sira iha Iskola sekundaria 1912 Manufahi, direitu eduksaun munisipal Trinito Sarmento relata katak, eskola ensínu sekundaria jerál 1912 ho totál alunu 2.300 resin, maibé fasilidade no sala limitadu, entaun eskola refere loke klase paralelu 3 hodi akomoda alunus sira kompostu klase paralelu ida iha suku Babulo Postu administivu Same, klase paralelu ida iha postu Turiscai, no klase paralelu ida iha suku Fahinehan postu administrativu Fatuberliu, hodi akomoda alunu sira iha foho, ho razaun tanba inan aman sira tenki lalin hahán husi foho hodi sustenta alunu sira iha sidade Same vila.
Husi Totál Eskola ensínu sekundaria jerál hamutuk eskola 9 iha Munisípiu Manufahi, kompostu eskola publiku iha eskola 2 eskola sekundaria 1912 Manufahi no eskola KAFÉ iha Same vila no eskola privadu iha eskola 7, eskola ensinu tekniku vokasional ho totál 6, eskola publiku 3 no privadu 3, defikuldade ne’ebé eskola sira infrenta presisa tebes investimentu ne’ebé bo’ot, hodi hadia sistema modular iha eskola tekniku vokasional, tanba ne’e ezizi ba sekretariadu estadu tau planu kria planu hadia fasilidade inklui kria dormitoriu ba alunu sira hodi fasilita di’ak liu tan alunu sira.
Trinito Sarmento ezizi ba sekretariadu estadu ensinu sekundaria jeral no ensínu vokasional, atu tau iha planu hodi responde ba defikuldade ne’ebé eskola sekundaria jerál no tekniku vokasional publiku no privadu sira infrenta iha Munisípiu Manufahi, nune’e bele fasilita di’ak liu tan prosésu aprendisajém iha iskola.
Diretúr servisu Dirasaun apoiu organizasaun náo govermentais no organízasaun komunitária, Júlio Godinho ne’ebé Reprezenta Administradór Munisípiu Manufahi reforsa katak, eskola ensínu sekundária jerál no tekniku vokasional sira iha Munisípiu infrenta defikulta kona ba infrastrutura no fasilidade sira, tanba ne’e ho vizita sekretariadu estadu bele haree direitamente, nune’e tau iha planu hodi responde ba defikuldade hirak ne’e.
Responde ba preukupasaun hirak ne’e, sekretariadu estadu asúntu ensinu sekundaria jeral no ensínu vokasional ministériu edukasaun, Domingos Lemos hateten katak, atu responde ba defikuldade hirak ne’e, ha’u orenta ona diretúr jerál no diretúr nasionál sira, atu hare didi’ak situasaun sira ne’e, liliu atu responde ba sala eskola ne’ebé sala iskola no fasilidade sira limitadu, no iha tempu badak ita bele hadia di’ak liu tan.
Governante ne’e salienta, ho situasaun hirak ne’e hotu maka ami mai vizita eskola sira hodi haree direitamente defikuldade ne’ebé eskola sira infrenta, liliu ensínu sekundaria jerál no tekniku vokasional, atu haree kondisaun infrastrutura inklui mós kona ba rekursu manórin na’in sira ne’ebé hanorin sai preukupasaun bo’ot iha territóriu tomak, ida ne’e sai problema bo’ot, problema ne’e la’ós mosu husi Munisípiu maibé mosu husi desizaun nivel altu, tanba molok nivel altu atu foti desizaun ruma loke iskola ida, tenki halo uluk Estudu, tanba ne’e ha’u orenta ona diretúr nasionál sira atu halo Estudu abilidade, hodi haree fali iskola ne’ebé la merese sai eskola tekniku vokasional retira tiha, ita presisa estabelése eskola tekniku vokasional ne’ebé responde duni ba kondisaun reál munisipiu nian.
“Ezemplu loke eskola tekniku vokasional iha Munisípiu Manufahi, potensial ba hakiak animal, peskas no Agrikultura tanba munisipiu Manufahi nia potensialidade ba setór hirak ne’e, tanba ne’e iha tempu badak diretúr nasional sira sei halo Estudu klean, hodi hare eskola tekniku vokasional ne’ebé la koresponde ho potensialidade munisipiu nian bele retira tiha, subliña Governante ne’e “.
Entertantu sekretariadu estadu asúntu ensinu sekundaria jeral no ensínu vokasional, kontinua halo vizita ba eskola sekundaria jerál no tekniku vokasional sira seluk iha Munisípiu Manufahi.
Reportájem Júlio Guterres Bosi-Cai (Júgu).
Leave a Reply